මං හරි ආදරේ 25

 දිනන නොදිනන කරුණු ගැන සිතින් නොවෙහෙසෙමි

දොඩන නොදොඩන දරුණු රහස් ගැන නොවිමසමි

හැපෙන මුත් නුඹ මත්තෙ, දැක නොදුටු ලෙස හිදිමි

කැපෙන සීරෙන බවම හොඳින් දැන කඩු ගිලිමි

දිනුම සසරෙහි මෙලෙස මුණගැස්ම බව සිතමි 

හෙලන සුසුමක ම මගෙද හුස්ම ඇති බැව් දනිමි 

සැලෙන සුළගක සුවඳ කැටිව ඇති බව විඳිමි 

පපුව පිරෙනට සෙනෙහෙ විඳි අරුම සිහි නගමි 

මහද හැම කුටීරෙම ඔබ වසන බව හඟිමි 

ගෙවෙන හැම නිමේශෙම පපුතුරෙහි මම නිදමි 

නතර විය යුතු දිනෙක, ඔබ කියන තැන ට එමි 

ඔය දෙනෙතු යටින්, මම ඔබට මම පිරි නමමි!