මං හරී ආදරේ 03

 හෙමින් පියවර තියා ඇවිත් හිත් කුටියට 

නළල ඉඹ, තුරුළු කරගෙන මාව පපුවට 

ඉතින් ආදරේ බව කිව්වාට ඔබ මට 

ස්තුති කන්දකී සමන් ගිර  තරමට.... 

කවිහිතක් නොපිපේය වැහි නොමැති කතරට 

මුදු හීන කොඳමල්ද ඇකිලේවි රස්නෙට 

මුරුගසන් වරුසාව වහින මෝසමකට 

පසුව පිබිදෙන හැඟුම් දලුලාවි තරගෙට.... 

මිමිණෙන්න රහසක්ම වෙලා දෙතොලතරට 

ඇහැරෙන්න පහසක් වුණෙම හදවතකට 

නිදාගෙන ඇහැරෙනා ගිනි කන්ද විලසට

ඔයාගෙම සුවඳමයි මා ගාව තව මට.... 

පතිත වෙමි ඔබ මතට රැසක් වී ලා ඉරේ

ඇත්තමයි රත්තරන් මං හරිම ආදරේ 💚 💚