මගෙ පුංචි පපුව උඩ
ආදරේ කඳු ගොඩ ගසා
හිත් වේදනා පැලුම් සිනා
ඉදිකටුවකින් මසා
හීනයක් වගෙ ඇවිත් හිත පුරා
හෙමින් පියමැන යන ඔයා
නතර කර ගන්නටම හිතේ
සදාකල් හිතෙහි දොර වසා!
මිණි කැට වගේ මල්
වැටෙන විට ඇහැල සෙවනෙදී
අප හමු වුනත් නොදුටුවාසේ
සමුගන්න තැනකදී
මේ ආදරේ හිතෙහී තියා
හිනැහී එන්නෙ මා
හිතකින් නොවේ තුරුලට නැවිත්
පිටමගම එන්නෙ මා!
ඇස් වහ වැදී මේ ලෝකයේ
හිත් රිදෙන තැනකදී
මුදු අස්වැසුම් සිහිනෙන් වගෙ
මං විදින මොහොතෙදී
මේ ආදරේ මෙතරම් කියා
නොකියා ඉන්නෙ මා
හිතකින් නොවේ පපුවෙන් මිදී
දුර ඉන්නෙ මෙහෙම මා
.jpg)
.jpg)
No comments:
Post a Comment